أعز الناس

في يوم 3 فبراير 1975 رحلت سيدة الغناء العربي أم كلثوم يعني فات على وفاتها 31 سنة و رغم ال31 سنة دول لسة أغاني أم كلثوم أكثر الأغاني إستماعاً و لسة أم كلثوم متربعة على قلوب محبيها . حد ممكن يتصور ان بعد 31 سنة من وقتنا الحالي هيبقى فيه ناس فاكرة و بتغني أخاصمك أه أو بيداري كدة أنا بصراحة معتقدش ان دة هيحصل حتى بعد 10 سنين مش 31 سنة النهاردة و إحنا في أعز الناس بنحتفل بالذكرى ال31 لرحيل كوكب الشرق مع إنها متأخرة شوية بس إنتوا عارفين الظروف اللي أخرتنا حبيت أقدملكم أغنية من أول الأغاني اللي أنا حبيتها لأم كلثوم أغنية الحب كله كلمات أحمد شفيق كامل و ألحان العبقري بليغ حمدي

::
الحب كله
حبيته فيك الحب كله
وزماني كله
أنا عيشته ليك زماني كله
يا حبيبي قول للدنيا معايا
ولكل قلب بدقته حس
يادنيا حبي و حبي و حبي
دة العمر هو الحب وبس
واسقيني و املا اسقيني تاني
مالحب منك من نور زماني
اسقيني ياللي من يوم ماشفتك
حسيت كأني اتخلقت تاني
***
روح قلبي يا حياة أيامي
روح قلبي يا روح قلبي
يا حبيبي يا ملاك أحلامي
روح قلبي يا روح قلبي
أنا كنت إيه قبل ماشوفك
كنت إيه؟
و كنت عايش يا حبيبي
أيامي ليه؟
طريق حياتي مشيته قبلك
في ليل طويل
لا قلب جانبي يحس بيا
و لا طيف جميل
و لما شفتك أول ما شفتك
بكل شوق الدنيا لقيتني
مشدود إليك
و بكل الحب الديا ناديتك
و جريت عليك
ناديت ناديت عالدنيا بحالها
ولكل قلب بدقته حس
يادنيا حبي و حبي و حبي
دة العمر هو الحب وبس
واسقيني و املا اسقيني تاني
مالحب منك من نور زماني
اسقيني ياللي من يوم ماشفتك
حسيت كأني اتخلقت تاني
***
دة الهوى العطشان
في قلبي بيندهك
يا أرق من النسمة
و أجمل من ملك
إنت روحي و كل عمري
و نور حياتي يا حياتي
إيه أنا بالنسبة لك
حبيبي دانا مخلوق
مخلوق علشانك
يادوب عشانك
عشانك إنت
و قلبي عاش
على لمس حنانك
يا دوب حنانك
حنانك إنت
حلوة حلوة الأيام
حلوة حلوة الأحلام
حلوة حلوة حياتي
حلوة حلوة يا سلام
حلوة بتمر قوام
حلوة ويا حياتي
يا زمان يا زمان يا زمان
ياليالي طويلة أحلامها جميلة
محال تتعاد
يا زمان يا زمان يا زمان
ياليالي بتجري بتطوي أماني
و تفوتها رماد
فيها إيه لوتنسى أتنين
اتنين بالحب اتنين في الحب
اتنين للحب
دايبين عايشين
عايشين نقول للدنيا بحالها
ولكل قلب بدقته حس
يادنيا حبي و حبي و حبي
دة العمر هو الحب وبس
واسقيني و املا اسقيني تاني
مالحب منك من نور زماني
اسقيني ياللي من يوم ماشفتك
حسيت كأني اتخلقت تاني
***
يا حبيبي
يا عبير الشوق يا حبيبي
يا نصيبي
من ليالي الشوق يا حبيبي
شعر إيه
دة الكلام اللي في عينيك
خلى أحلى كلام يغير
عطر إيه
دة العبير اللي في إيديك
بيقول إيديك هي العبير
أه مالربيع اللي في شفايفك
للليالي اللي في عنيك
أه مالهيب اللي في خدودك
للحنان اللي في إيديك
رحلة تاهت روحي فيها
و توهت فيها
خبيني مالزمان خبيني
وبعيد عن عيونه داريني
عالفرحة الكبيرة ياخوفي
لا ياخدها و لا يخليني
خليني أقول للدنيا بحالها
ولكل قلب بدقته حس
يادنيا حبي و حبي و حبي
دة العمر هو الحب وبس
واسقيني و املا اسقيني تاني
مالحب منك من نور زماني
اسقيني ياللي من يوم ماشفتك
حسيت كأني اتخلقت تاني
::
إستمتعوا مع الحب كله
Labels: Romance, ام كلثوم, بليغ حمدي, ذكرى


Posted by taty at 12:54 PM 8 comments links to this post

19 February 2006
بكره اجمل من النهارده


مكنش ينفع الشهر يخلص من غير ما نقولها كل سنه وانت طيبه حتى لو كانت متأخره شويتين عيد ميلادها كان 8فبراير كملت 70سنه نمسك الخشب ونقولها عقبال الميه يا رب و انت بصحه وسعاده
و الحقيقه انا فكرت ملقتش انسب من الاغنيه دي عشان ارجع بيه وانا متاكده ان معظمكو مش عارفينها الاغنيه دي من البوم مع بعضينا وده يعتبر البوم الاطفال الوحيد اللي عملته الجميله شاديه وهو اللي علمني حب شاديه من وانا صغيره جدا واغنية شمس بكره من اكتر الاغاني اللي بحبها في الشريط وخصوصا ان شاديه بتحكي بصوتها الجميل حدوته في اولها لما سمعتها دلوقتي حسيت انها انسب حاجه انشرها في الفتره دي لما هتسمعوها هتعرفو ليه
الالبوم كله من كلمات سيد حجاب و الحان عمار الشريعي
ودلوقتي هسيبكو مع دعوه للتفاؤل

***
**
*
اما انا يابني شفتلك امبارح حتة حلم...اغرب من اغرب فيلم...شفت الديك بطاقيه حمرا وجلابيه...واقف بيكلم شمس الصبحيه
كوكوكوكوكوكوكوكو
يا شموسه ياام ضفاير دهبيه...دهبك فلسو قصيه وارميه
الشمس اتكسفت خالص...بقى لونها اصفر خالص...زي لمونه من الدهب الخالص...واتعصرت خالص
وقالتله بصوتها الدهبي:تقصد ايه
لو سيبتي السما ونزلتي السوق...الناس هيبصولك من تحت لفوق...ويقولو :ودي تنفعنا بايه
لو كنتي جنيه...كنت اشتري بيكي مصاصه...اوبلونه اتنطط بيها
لوكنت جنيه او حتى قرش نحاس....مش كنت بقيتي مفيده لكل الناس؟
فكرت الشمس الدهبيه شويه وقالت للديك:انت ولا فاهم حاجه يا ديك وعامللي فكيك
ده لولايا عليك ما كنت طلعت من البيضه...ولا كنت اتعلمت الغنا والمزازيك...ولولايا على الناس والدنيا مكنتشي الايام البيضه تصبح بيضه....ولا كانت ارض الناس تورد فاكهه وسنابل وفاصوليا ولا ورد ندوبه في كلونيا
الديك المتكلم بلم
وجري يا فكيك من غير ما يحيي ولا يسلم
وصحيت وانا بصرج واتكلم
خدو كل فلوسي دهب...وورق...ونحاس...وسيبولي الشمس يا ناس...سيبولي الشمس يا ناس...سيبولي الشمس يا ناس

من ورا ستارة الليالي
شمس بكره جايه تاني
احنا شايفينك...تعالي
يام ضحكه برتقالي
العروسه الدهبيه
جايه وفي شفايفها ورده
شمس بكره جايه جايه
بكره اجمل من النهارده
***
**
شفت يوم عصفوره نونو
لسه طالعه من اودتها
ريشها كان مبلول ولونه
لون غناها وصوصوتها
قمت قلت في عقل بالي
بقى دي جناحها يشيلها
سيبتها و مشيت في حالي
بعد مده قلت اجيلها
قالي واحد من جيرانها
ياه دي طارت ليها مده
قلت معنى طايرنها
بكره اجمل من النهارده
***
**
شفت مره مهره سمرا
نونو ماسكه في ديل مامتها
قلت بكره هتبقى حره
تجري وحديها براحتها
عدى شهر وشهر تاني
شفتها فرسه جميله
تنطلق تجري في ثواني
تقطع الرحله الطويله
قمت قولتلها قوليلي
ليه بتجري يا مهره شارده
قالت الريح بتناديني
بكره اجمل من النهارده
***
**
من ورا ستارة الليالي
شمس بكره جايه تاني
احنا شايفينك تعالي
يام ضحكه برتقالي
العروسه الدهبيه
جايه وفي شفايفها ورده
شمس بكره جايه جايه
بكره اجمل من النهارده
***
**
*
وعشان تنزلو الحدوته والغنوه
شمس بكره
Labels: اطفال, شاديه, عمار الشريعي, عيد ميلاد


Posted by bosbos at 4:48 PM 12 comments links to this post

06 February 2006
هتوحشونا

ازيكم؟؟ يارب تكونوا كلكم كويسين و بخير
احنا كنا ناويين نخلي شهر فبراير في أعز الناس هو شهر الحب و نقدملكم أروع الاغاني الرومانسية اللي اتقدمت أيام زمان . بس بصراحة ملناش نفس ننشر حاجة و الاسلام و الوطن العربي بيمروا بالأزمات اللي انتوا شايفنها دي. فالحد ما الايام الصعبة دي تعدي و تمر بسلام قررت أنا و بسبس التزام الصمت و متقلقوش الطلبات اللي طلبتوها مننا انشاء الله هننشرها كلها بعد ما الأزمات دي تعدي بخير
.. و يجيلنا نفس نكتب تاني
هتوحشونا

Posted by taty at 6:49 PM 17 comments links to this post
Contributors
taty
bosbos
www.flickr.com
what is this?
This is a Flickr badge showing public photos from tayseer_eldahshory. Make your own badge here.
يا ساعه بالوقت اجري

لسه فاكر
سحب رمشه
يا عشاق النبي
طير بينا يا قلبي
مرحب شهر الصوم
روحي و روحك حبايب
كلنا ليلى: ليها ضحكه تعدل المايله
يا آما
ثوار
عدى النهار
سنة راحت بالسلامة
نبتدي منين الحكايه
July 2005
August 2005
September 2005
October 2005
November 2005
December 2005
January 2006
February 2006
March 2006
April 2006
May 2006
June 2006
July 2006
August 2006
September 2006
January 2007
April 2007
حبايبنا
سواري
حليم
أبيات
الفاجومي
بحر
so there
حكاوي أخر الليل
نظارة شمس
على اسم مصر
طيارة حلم الورق
تحليق حلم فوق الحروف
بنت مصرية
سويدي
نور
واحد من الأخوة الأعداء
زبادي في الخلاط
احلام ياسمين
كويتيه
افكار تامر الحره
اخر حارة عبده باشا
كلمتين
شمعه
ايبيتاف
حبيتك بالصيف
زروني كل سنه مره
2 online now

قوللي ولا تخبيش
ايه رايك في نوعية الاغاني اللي بنقدمها في البلوج
ممتاز
جيد
عادي
مش النوع اللي بفضله


View Stats


Bravenet


غنيلي شوي شوي




ضحك و لعب